حلمت بيك ياريس

 

بعد الصلاة  و السلام  على خير الأنام

أحكيلكم أنا شفت أيه         فى المنام

آل ايه شفت الرئيس .. واقف وسط شعبه وسط ناسه

لا هو خايف منهم                    و لا هما منه خايفين

ايد بتحارب كل مهمل     كل خاين   بتحارب كل الظالمين

ايد بتأكل الغلابه                         زى أكل المسؤولين

بتعالج المريض                      نفس علاج   الشبعانين

بتبنى سقف للى نايمين             من غير غطا   بردانين

و شفت كل الناس بتشرب ميه  زى مية الوزير

                    و اللى قاعدين فى البرلمان    متأنتخين

و اللى فرحنى أنى شفت الشوارع  كلها  بالزهور متزوقين

 

وفى وسط حلمى صحيت لكنى عملت نايمة

ده لأنى شفتكم                     لسه مش مبسوطين

قلت أطمنكم على اللى ناقص   و الكابوس اللى كابس

و نعرف مصر رايحه لفين    ومين اللى فيها طمعاني

شفت الشوراع  فله    فله             متسفلتين

و الرصيف حلو خالص    متجهز     للمعوقين

قلت أسأللكم على الزباله :

قالوا  زماااااااااان كنا نسمع إنها فى الشوارع أكوام متبعترين

طب و المرور مفهش  أزمة؟؟

قالوا لااااااااااااااا  ده كابوس و انتهى بشوية     مفكرين

و شفت المدارس شكل تانى

تلاميذ بتقرا و تكتب    و مدرسين بأخلاص   شغاليين

شفت بنات ماشية مطمنه

المنقبه   و المحجبه   و اللى شعرها بيهفهف على الجبين

و الشباب ماشى فى حاله

اللى دقنه لحد وسطه              و اللى دقونهم  متلمعين

المسلم و المسيحى فى الحلم من  بعضهم مش معروفين

و الأطفال بتتنطت و تلعب              مفيهمش مكشرين 

كل الناس ريحتها حلوه    و كأنهم بالكولونيا  مستحميين

أيه ده كله ؟            أيه ده كله ؟

إحنا فى مصر !!!!       متأكدين ؟

قالوا : أيوه...ده لأن جالنا ريس ..  أخترناه من وسط الملايين

 

هو ده أنت ياريس ؟     

       ولا احنا  من غير غطا     كنا نايمين 
                                              جعانين          و مخرفين !!

                                        (ناديه أبو السعود )