أنت الإنسان ؟!!
معقولة يا صاحبى أنت الإنسان !!
معقولة يا صاحبى أنت الإنسان !!
معقوله من نفس طينتى
، و نفخ من روح الرحمن !!
معقوله عليا تقلق .. لو أتألمت و لا بكيت !!
معقوله
ليا تفرح لو حبيت
او حتى رسمت شفايفى
ولا نجحت أو صليت.
طب ليه أنا قلبى حزين ؟
ليه أنا قلبى حزين
و سامعه جوايا أنين
وعقلى كمان حيران
وبيسأل :
ازا ى أصدق إنك انسان
وانت فى
غيرك مش بتفكر ... مش قلقان
بتفكر بس فى نفسك ، وازاى ترضى الحيوان.
بصيت فى مرايتى يمكن أفهم
ليه أنا حبيت الإنسان
مشفتش غير أحزانى
وملامح شفتها فى منامى
من زمن غير زمانى.
مديت أيديا فى ضلوعى
وطلعت قلبى وبكيت
وزعقت بأعلى صوتى
بص معايا فى مرايتى
بص شوف غباوتك وغباوتى
وجاوبنى
... ليه أنا حبيت الإنسان ؟!
ليه صدقت؟؟ .. ليه سامحت ؟؟
ماهو هو هو الإنسان
مع إنه من روح الرحمن .
لو شلت حته من قلبى يمكن يتعدل الميزان
يمكن ملامحى تتغير
ودماغى كمان تتغير
و أقبل غدر الإنسان
وأرضى ظلم الإنسان
د/ نادية ابو السعود
د/ ناد
ليست هناك تعليقات:
إرسال تعليق