كل ما أبص فيها ألاقيها مغيرانى
مره الآقى طفله بتتنطط لابسه جزمه حمرا من
غير شراب
وساعات الاقى جدتى بطرحة سودا و شعر شاب
مره تانية الاقى بنت حلوه فى عز الشباب
و مرة الاقى عيون بتبكى و بشرة محفورة خطوط
عذاب
وساعات الاقى ست ناضجه و عيون بتلمع بس بعتاب
و مره أشوفنى متكومه على حصيرة جنب الدولاب
ولما أمد أيدى عايزة أغير صورتى فيها تطلع سراب
مرايتى محيرانى ؟ ولا أنا محيراها ؟
أروح لمين ؟
و أقول يامين ؟
هى المرايا ؟ ولا السنيـــــــــــــن ؟؟؟؟؟؟؟؟؟؟؟؟؟؟؟؟
( د/ نادية أبو السعود )
ليست هناك تعليقات:
إرسال تعليق