دنيا ملاهى
ــــــــــــــــــــــــــــــــ
دنيا تلاهى
زى الملاهى
مراجيح طلعه بينا ونازله
مراجيح لفه بينا ودايره
ناس بتركز تنشن عايزه تفوز
وناس واقفه وناس بتجرى و ناس
تدوس
ناس أحلامها جنه وناس كابوس
ناس تطلب قرش وناس ترمى الفلوس
صراخ وضحك و عيون بتبكى على اللى راح
بنت
يضفيره والجزمه حمرا فرنيه
ولد
بجلبيه وطاقيه والدمعه فى عنيه
و تاه
منى حبيبى وانا ماسكه فى ادياه
مشيت على شوك أدور
و ا نادى عليه
جريت
وقفت كتير وقعت
قلت نسيت ولا ادعيت ..
و مشيت سنين جوايا جرحى وحوليا تابوت
أشتاق لمسة ايداه أدور عليه
تطاردنى عنيه أنادى عليه
أتمنى ألاقيه يخرجنى من تابوتى
أشوف عنيه
تحيينى بعد موتى
يفتكرنى بكل حبى بكل شوقى
يشتاقلى لحظة ترد روحى ..
و فى وسط الزحام . رد صدى صوتى
متناديش
متحلميش هى دى حدودك متفكريش
حضرى
شنطتك زادك وهدمتك
و ركزى على ورقة الامتحان آن الأوان
خلص الزمان (د/ نادية ابو
السعود )
ملحوظ: نشرت فى جريدة الوطن بتاريخ : 29/8/2012
ليست هناك تعليقات:
إرسال تعليق