جمد قلبك و ألحق
مظاهرة
فاضية
و السلطة
راضية
أيد رئيسك خليفه و إمام
جمد قلبك وأهتف
بأعلى صوت
رئيسنا
حبيبنا
هو
الهُمام
و أهله و عشيرته
صمام
الأمان
جمد قلبك و أجري
أمسك دسيسة
عيال سيس
و
سيسه
بتصرخ وتطلب
بجرأه وبجاحه سقوط النظام
جمد قلبك و أضرب
أطفالنا
و
شبابنا
و
شيوخنا
ضاعف غضبنا
جدد جراحنا
بفضلك حننزل تانى الميدان
جمد قلبك وحقق
معاهم ومع اللى معاهم
ده هما العميل
و
هما
اللى
خان
ووطنى مبارك و دستور البرادعى
و
عسكر
عنان
جمد قلبك و اطلب
أقصى عقوبه
على طلب القصاص
و اللى قاعد و اللى ساعد
واللى وافق بالكلام
جمد قلبك و أدفن
أحلام شعب ثاير
غاضب وحاير
بيحلم يوماتى
برغيف عيش و أمن و أمان
جمد قلبك وواجه
شعب مصرى مصرى
فرعونى و عصرى
بيعشق تراب أرض بلده
رسوله محمد و عيسى كمان
جمد قلبك و أمشى
فى طريق اللى قبلك
حتجاوب
إجابته
و تشوف يوم نهايته
ما باليد حيله ، دى الدنيا
أمتحان
.
جمد قلبك
......................و جرب
ليست هناك تعليقات:
إرسال تعليق